Il "Cudesch dals nums da famiglia da la Svizra" è in manual indispensabel per genealogists ed istorichers. El cuntegna en urden alfabetic tut las famiglias che possedevan il 1962 il dretg da burgais d'ina vischnanca svizra. Las indicaziuns davart las singulas famiglias cuntegnan las suandantas infurmaziuns: il lieu da burgais da la famiglia e la data da l'acquist dal dretg da burgais sco era il lieu u il pajais d'origin. Ils radund 48'500 nums da famiglia da l'ediziun exaurida vegnan preschentads cun funcziuns da retschertga survesaivlas en questa pagina d'internet e rendids libramain accessibels en l'internet.

La banca da datas online cuntegna la terza ediziun nunmidada dal "Cudesch dals nums da famiglia da la Svizra" (Schulthess Polygraphischer Verlag, Turitg 1989). Il 1990 ha la Fundaziun Historisches Lexikon der Schweiz (HLS) acquistà questa banca da datas da la "Cuminanza da lavur Nums da famiglia svizzers".

Legiai ils artitgels Genealogie e Historische Hilfswissenschaften en il Historischen Lexikon der Schweiz.